Денес, 26.12.2022, се одржа Новогодишниот базар на нашето училиште во просториите на УОМО “Панче Пешев”- Куманово. Благодарение на взаемната соработка помеѓу училиштата и на директорката на УОМО “Панче Пешев” која излезе во пресрет овој базар да се одржи во нивните простории, резултираше со одлично организирана манифестација со огромен број на посетители.
На овој настан беа изложени прекрасните рачни изработки на нашите ученици, изработени заедно со нивните родители и наставници, кои беа мелем за очи и восхит. Манифестацијата беше оплеменета и со мини музички концерт на учениците од УОМО “Панче Пешев”, а неизоставен дел од Новогодишната магија е и посетата на Дедо Мраз.
Вложениот труд и време причинуваа задоволство, гледајќи ги посетителите и нивните среќни лица!
